Hønseliv på Jensgarden
I vår har vi lånt oss rugemaskin, kjøpt ruge-egg og klekt ut kyllingar.
Vi venta i spenning både store og små på at dei små nøsta skulle kome ut av egga.
Vi har kjøpt ruge-egg av rasen Mille Fleur og Dverg kochin.
Begge er dvergrasar som skal vere rolege dyr som lett vert tame.
Bileta er tatt ein av dei første dagane kyllingane fekk vere ute i hønsehuset.
Foreløbig bur dei små på badet heime, men når dei vert større og det vert varmare i veret skal dei flytte bort i hønsehuset.
Vi har planta ei ripsbærbusk inne i hønseburet for å gjere det litt triveligare.
Her kan dei også finne skygge om det trengs.
Dei to største benytta seg av mulegheita til å ta seg eit sandbad i ei gammal zinkspann...
Dei minste vart slitne og tok seg ein liten blund...
Gledar meg til å sitte her ved hønsehuset, ei tidleg morgonstund, med ein kopp kaffi og høre på klukkinga til hønene
